Општи услови

Услови и правила на Програмата за лојалност iutePlus

Име на програмата: Програма за лојалност iutePlus
Датум на почеток: 24 април 2025 година

Добредојдовте во Програмата за лојалност на iute!
Ни претставува задоволство да ви ја претставиме нашата Програма за лојалност, дизајнирана да ве награди вас – нашите ценети клиенти – за вашата континуирана доверба и соработка. Оваа програма е заедничка иницијатива на независни правни лица кои работат под ист трговски знак „iute“. Секоја единица нуди производи и услуги согласно со својата лиценца, а придобивките и условите на програмата може да се разликуваат во зависност од земјата или регионот во кој таа оперира.

Подолу ќе ги најдете деталите што објаснуваат како функционира нашата програма, за да можете целосно да ги искористите придобивките што сме ги подготвиле за вас.

Подобност:
• Учеството во Програмата е автоматско за сите корисници на iute кои извршуваат активности што носат Плус Поени.

Како се заработуваат Плус Поени и колку?

Можете да заработите Плус Поени преку квалификувачки активности, како што се:

Кредити:
• Заработете до 28.300 Плус Поени по кредитен договор за земање и навремена отплата на кредит.
• Некои кредити можеби ќе се квалификуваат за награди, додека други не. Клиентите ќе бидат информирани при аплицирање дали конкретниот кредит се квалификува за програма за лојалност. Кредитот без трошоци за износи до 20.000 денари на 2 рати, како и кредитите од партнерската мрежа исплатени со опцијата за плаќање Smart 0, не се квалификуваат во програмата за лојалност.
• Вкупната награда за земање кредит се дели подеднакво по сите рати и се кредитира при секоја навремена отплата.
• Кредити кои се предвреме отплатени не добиваат поени за тие рати.

Награди за дополнителни кредити:
• По првиот кредит, ќе добиете 600 поени за секој следен кредит – и дилерски и готовински – под услов претходниот да бил затворен пред повеќе од 30 дена.
• Овие награди се достапни само за селектирани клиенти кои не користеле активно услуги од iute подолг временски период.
• Поените ќе бидат додадени откако ќе помине периодот од 14 дена за повлекување. Ако клиентот се откаже од договорот во овој период, поени нема да се доделат.

Привремени кампањи:
• iute повремено може да понуди дополнителни награди за специфични производи или услуги.
• Деталите и условите ќе бидат споделени со клиентите преку различни канали.

Дистрибуција на поени:

Важни напомени:
• Плус Поени се кредитираат откако ќе завршите квалификувачка активност.
• Поените не се преносливи и не може да се комбинираат со други понуди.
• Следете ги известувањата за кампањи за да ги максимизирате вашите награди.

Истекување на Плус Поени:
• Поените истекуваат ако не се искористат во рок од 18 месеци од денот кога се заработени.
• iute го задржува правото да ги менува условите за истекување, со навремено известување.
• Ако клиентот има доспеани неплатени обврски, нема да добие поени за тие отплати, но претходно заработените поени остануваат достапни. Откако ќе се продолжи со навремена отплата, поените повторно ќе се заработуваат.
• Ако договорот е еднострано раскинат, нема да се доделуваат поени за идни активности, но веќе добиените поени остануваат.
• Истекувањето на поените не е поврзано со рокот на важност на подарочните картички.

Искористување на Плус Поени:
• Поените може да се искористат за награди како подарочни картички, подароци или попусти во Партнерските продавници. Секој поен вреди 1 МКД.
• Подарочните картички се издаваат исклучиво од партнер продавници и важат само таму. iute не ги издава картичките, туку овозможува нивна активација преку програмата за лојалност.
• Рокот на важност на картичките зависи од партнерот и започнува од денот на нивното креирање.
• Опциите и вредностите на наградите може да се менуваат, со претходно известување.
• Поените не може да се заменат за пари.
• Поените не може да се пренесат на друг клиент.

Tабела со партнери кај кои можат да се заменат поените:

Следење на напредок:
• Проверете ја вашата состојба со Плус Поени и дознајте како да заработите повеќе, преку делот ‘iutePlus Loyalty Program’ во апликацијата.
• Примајте персонализирани известувања за специјални понуди и акции.

Промени и прекин на Програмата:
• iute го задржува правото да ја менува, суспендира или прекине Програмата. Клиентите ќе бидат навремено известени.
• Ако програмата се укине, клиентите ќе имаат 90 дена за да ги искористат заработените поени.
• iute го задржува правото да исклучи одредени активности од програмата со претходно известување.
• iute има ексклузивно право да ги разгледа жалбите поврзани со салдото на поени и да утврди дали поените се валидно заработени. Поени добиени по грешка може да бидат поништени.

Откажување од одговорност:
• iute не сноси одговорност ако пријава за добивање на подарочна картичка преку „Myiute“ е направена од лице кое не е овластено од клиентот или ако трето лице постапува спротивно на даденото овластување или од други причини.

За дополнитени информации во врска со програмата, контактирајте на 13333 или на iute.mk