Дигитална инклузија за сите

Иуте се приклучи на мисијата на “Донирај компјутер” и донираше компјутерска опрема

Денес се дружевме со драги и хумани луѓе од Донирај компјутер, кои успејаа една обична идеја пред 5 години поправајќи компјутери за социјално-загрозени семејства да претворат во општествена иницијатива со големи размери и импакт.

Иуте официјално се приклучи на нивната иницијатива со донација од преку 45 парчиња компјутерска опрема, кои наскоро ќе го најдат своето место онаму каде што е најпотребно.

За нивната работа и општествен придонес знаеме веќе одамна, а благодарејќи на нивната заложба и добрата волја на поединци и компании, досега над 3000 компјутери беа донирани на социјално-загрозени семејства, а дополнително се опремени десетици училници и општини со потребната компјутерска опрема.

Преку дигитална инклузија на децата, ги поставуваме столбовите на идните општествени позитивни промени. За подобро образование и еднаков пристап до ресурси за сите.

Само со заеднички сили можеме да овозможиме подобро образование и пристап до дигиталните ресурси до секој што има потреба.

Како компанија, веруваме дека еднаквиот пристап до технологија е клучен чекор кон еднакво образование за сите и поеднаков пристап до дигиталните технологии. На тој начин помагаме да се затвори јазот, особено кога станува збор за ранливите категории.

Секој најмал исчекор е важен, особено гледајќи ја големата слика.

Благодарност до целиот наш Иуте тим кој учествуваше во организацијата и секако до Борче Стаменов и целата негов екипа за несебичната посветеност кон мисијата.